车仔踩油袭雷恩

艾度亚文迪倒戈冇情讲
　　至于欧联早场有E组雷恩主场迎战车路士，车路士弗到震，近12场赛事不败，其中近5场全胜，球队最大功臣唔係入波嗰班，而係今场倒戈上阵嘅门将艾度亚文迪，车仔近7战由佢把关只失1球，球队冇后顾就可以放心进攻，雷恩级数所限，难顶车仔强攻，客胜抵玩。

　　谭仔奥杜尔个个弗
　　车路士中场夏维斯因确诊新冠肺炎，上场联赛作客纽卡素冇踢，虽然另一德国球员迪姆华拿食白果，但佢哋仍凭一个乌龙波及谭美阿巴谦入波，以2比0赢波全取3分，累积各项赛事5连胜。车路士中前场大把人脚，迪姆华拿固然重要，但今届欧联赛事谭美阿巴谦、赫臣奥杜尔同薛耶治亦已经取得士哥，「黄金战车」攻力澎湃。

　　不过，车仔可以冇后顾之忧放心进攻嘅最大原因，係球队搵到今场将会倒戈嘅艾度亚文迪。呢名塞内加尔门将加盟之后，上阵7场只失1球，艾度亚文迪分组赛首循环主场对雷恩都冇情讲，零封呢支法甲球队助车路士大胜3比0。

　　雷恩近况低迷，上周末主场以0比1不敌波尔多，各项赛事近6场输5场，只曾击败法甲下游球队比斯特，而且佢哋整体实力不及车路士，欧联分组赛只得1和2负，仍欠缺同欧洲一线劲旅周旋嘅能力，即使主场作赛亦无优势可言，难敌近况大勇嘅车路士，客胜不容错过。