巴塞贝迪斯大盘走唔甩

　　冤家斗攻例多波入

　　西甲豪门巴塞隆拿主场迎战贝迪斯，巴塞隆拿今季水准飘忽，防线甚为不稳，近4场联赛都有失波。不过，呢支「地上最强」攻力始终有保证，特别係新星安素法迪频频建功，充满活力。贝迪斯有前冇后，以往对住巴塞，都无惧同对手斗攻，双方近5次联赛交锋，总入球都达4球或以上，首选中位数3.5球嘅入球大。

　　迪庄串演中坚危危乎
　　巴塞隆拿今季经历巨变，包括换帅由朗奴高文执教，会长巴度美奥早前更加辞职，并盛传球会陷入财困，难免影响军心，球队近4场联赛都不胜。不过，巴塞人脚质素仍然属于西甲数一数二，18岁新星安素法迪今季联赛已经有4球进帐，成为进攻新重心。虽然球王美斯、前锋基沙文表现一般，但佢哋具备一定级数，一旦发威，对手难以阻挡。

　　不过，巴塞防线比较令人担心，碧基已经33岁，无复当年之勇。基文迪朗格勒有伤在身，上场欧联更加要用防中法兰基迪庄客串中坚，就算基文迪朗格勒今场勉强上阵，恐怕亦靠唔住。

　　贝迪斯上场以3比1击败艾尔切，但近3场失咗6球，防线无法令人安心。事实上，贝迪斯今季8场西甲入咗10球，亦失咗12球，名副其实係有前冇后。睇番贝迪斯近4次对巴塞隆拿，都可以取得入球，合共轰入巴塞9球，所以今场都唔一定捱打，随时又合演入球骚。