车仔勐火雷恩大难临头

今晚欧联E组赛事，车路士主场迎战法甲球会雷恩。E组1哥车仔一对德国攻击组合迪姆华拿及夏维斯愈嚟愈合拍，伤愈复出嘅薛耶治亦火速上力，呢条全新锋线火花四溅，今仗主场出击必抢攻争3分，排紧榜尾嘅雷恩，为出线亦不能坐以待毙，斗攻格局捧2.5球入球大。

　　华拿薛耶治当弗

　　车仔上周联赛作客以3比0轻取般尼，经历3场作客之旅后，今场回师史丹福桥球场出击，迪姆华拿及夏维斯逐渐融入球队，华拿连续2仗有波入，包括上轮欧联作客大胜卡斯洛达4比0，同场有「摩洛哥发电机」薛耶治首度正选上阵即有入球，上场对般尼又有进帐，弗到漏油。唔好忘记，佢哋阵中仲有突破力强嘅基斯甸普列锡同赫臣奥杜尔，想打高波亦有谭美阿巴谦候命，睇吓主帅林柏特想打边瓣。

　　车仔首场欧联喺主场同西维尔互交白卷，不过嗰场之前3仗主场共轰13球，可见主场火力全开，而且车仔之前7场欧联赛事，有6场总入球达到3球或以上，出战欧洲赛一样攻到你晕。

　　雷恩目前喺E组2战只得1分排榜尾，落后1哥车仔3分，想争取出线一定要抢W，由于车仔主攻，相信会令呢支上季法甲季军有好多反击机会。雷恩上季以防守力强见称，不过首席门将艾度亚文迪已转投今场对手车仔，今季11场赛事只有1场冇失波，点挡得住车仔嘅狂轰勐炸，大盘有买趁早。