大坂打吡撑飞脚

日职周二开快车，斗得激烈嘅「第2集团」有好戏码，就係「大坂府打吡战」次循环，大坂樱花主场火併大坂飞脚，首循环樱花作客赢2比1，并曾高踞联赛次席一段长时间。不过风水轮流转，樱花近期表现回落，反观飞脚季尾愈战愈勇，近10战9胜1和走势凌厉，飞脚受让平半，下盘值博。

　　星期二係日本公众假期，所以周中快车大部分赛事都喺中午或午后举行，令今场打吡更有气氛。今场除为面子而战，飞脚亦要报首循环一败之仇，联赛第2位之争亦相当激烈。川崎前锋喺榜首抛离群雄17分，夺冠在望，「第2集团」则经常互换位置，飞脚暂以51分排第2，仅比第3、4位嘅名古屋鲸鱼及大坂樱花多3分，前列各队对赛结果非常重要，今场对于大坂两支球队嚟讲，更係「6分波」不容有失。
　
　　飞脚2比1波胆最旺
　　飞脚季初表现平平，9月中开始大爆发，近10场9胜1和冲上次席，该队巴西射手艾迪美臣巴拉加上仗赛前因怀疑酒后驾驶接受调查缺阵，但球队阵容仍完整，更凭井手口阳介及安达臣柏历建功，以2比1击败北海道札幌冈萨多。值得留意嘅係，飞脚近9场胜仗中，有5场以2比1取胜，睇好飞脚嘅朋友，不妨要埋波胆2比1。

　　樱花一度佔据联赛次席，但9月中之后战绩波动，近8场输5场连失15分，包括上仗作客1比3不敌浦和红钻，暂时跌至第4位。樱花论近况明显不及飞脚，今场优势係佢哋上周末轮空，有1个多星期时间休息，球员有较佳体力，不过今场要让平半，就未必让得起。