世欧洲:英格兰叹惯慢板吼半和

世盃欧洲区外围赛I组，英格兰主场斗阿尔巴尼亚。英格兰喺I组排榜首，依家领先次席嘅波兰3分，余下两仗只要攞多4分，就肯定直接进身决赛周，形势上今场唔使急于进攻，而且佢哋主场出击往往叹慢板，再追半场和。

　　「三狮兵团」8战6胜2和，今场斗阿尔巴尼亚后，最后一场分组赛作客「鱼腩部队」圣马力诺，如无意外3分袋袋平安，所以今场亦唔急于进攻，相信领队修夫基会稳中求胜，慢慢睇准机会才进攻。

　　修夫基选兵仍以状态为先，连格及查顿辛祖因于曼联未能抢得正选，今次冇入选，喺拉舒福特、禾特普斯因伤退队，美臣蒙特因为剥智慧齿延迟归队下，补选咗阿仙奴嘅伊美路维，当然又係睇中佢近况大勇，连续3场联赛帮兵工厂入波。中场另外选择咗加云菲腊斯同佐敦轩达臣等，都係防守能力同意识比较高嘅球员，相信英军踢法会趋向稳中求胜。

　　阿尔巴尼亚作客顶到两嘴
　　另边厢，阿尔巴尼亚以15分排第3，数字上仍有直接进身决赛周嘅机会，而且他们喺今届世盃外作客成绩绝对唔失礼，4场获3胜1负，只係不敌波兰，「三狮兵团」如果太过进取，或者会畀到机会阿尔巴尼亚偷鸡，所以唔会掉以轻心，而且英格兰近9次主场出击，7次半场同对手打和，半场和值得再追。