火并列斯联求开斋 纽卡素大无畏

星期六凌晨提早有英超，两支下游球队纽卡素同列斯联对碰，为咗开斋肯定斗得灿烂！两支球队踢法都係大开大合，之前虽然入波唔算多，但失波最多就係英超呢两队，今场有理无理都会互攻，博对方犯错，希望藉此全取3分，2.5球入球大必捧。

　　纽卡素联赛4战1和3负得5球失12球，列斯联则2和2负得4球失11球，两军分别排尾2同尾4，今场都想喺对手身上全取3分。根据英超官网统计，「喜鹊」同列斯联过去4场射门次数都係48次，平均每场有12次，仅少过车路士嘅53次，双双排喺英超第9位，至于列斯联嘅传球次数同掂波次数，更加名列前茅，排英超第6，睇得出佢哋都係拥有唔错嘅进攻威力。

　　睇番纽卡素上场联赛虽然输畀曼联，但辛特麦斯明嘅反击确为「红魔鬼」后防带嚟好多麻烦，佢更贡献一个助攻，领队布鲁士今场可以利用佢嘅速度，针对列斯联疯狂进攻下后防空虚，作出致命反击。唔好忘记仲有祖尔韦洛克，佢上季由阿仙奴外借纽记期间，季尾连续7场有入波，係球队护级功臣，暑期期间正式买断，亦係前线另一大威胁。

　　比尔沙坚持有前冇后

　　列斯联领队比尔沙坚持嘅攻击踢法肯定好睇，季初4场要面对曼联、爱华顿及利物浦等，仲未开斋都算情有可原，但4场联赛有3场可以取得入波，今场预计都唔会改变踢法。双方上季两循环碰头，列斯联主场大炒5比2，作客亦赢2比1，今场肯定又係大手交易，开波前买定2.5球入球大，如果睇波嘅朋友，睇住赛事形势，走地可以追多两注，随时大丰收。