日职攻略：砂岩抢分上盘最稳阵

今晚有场日职独脚戏，鸟栖砂岩主场迎战大分三神，双方实力及状态有明显距离，排第3位嘅鸟栖砂岩近4场赢咗3场，表现大勇。反观，排尾2嘅大分三神士气低落，受让半一都冇着数，直取砂岩上盘。

　　砂岩目前虽然跻身三甲之位，但其实与第4位嘅名古屋鲸鱼同分，为保来季亚洲赛资格，基本上已经冇任何失分空间。上场佢哋联赛击败清水心跳，自5月以来首次取得连胜，而且踢法比之前更进取，球员勇于压前抢攻，特别係巴西后卫卡路士伊度亚度助攻力强，上场更加射入1球。前锋山下敬大表现亦非常抢眼，佢今季联赛已经有9球进帐，砂岩攻力有保证，要撕开大分三神防线并唔困难。

　　大分三神近况曳

　　至于大分三神近10场联赛输咗7场，整体状态低迷，就算上场主场以2比0击败湘南比马，仍然不能尽信。同埋大分三神作客成绩非常差，近12场联赛作客全败，更加唔好期望佢哋今场抢到分。即使今场「让球盘」鸟栖砂岩让半一，呢口上盘依然稳阵。