英甲：保顿转攻为守半和有计

　　今季杀上英甲嘅保顿，周二凌晨主场迎战伯顿。保顿升班后5仗录得2胜2和1负，佢哋季初踢法主攻，但往往「好睇唔好食」，两次喺领先情况下失分而回，近期明显改变踢法，偏向防守，面对有4位新兵加入嘅伯顿，预计两军初段会陷入胶着状态，半场和机会高。

　　保顿之前喺联赛杯对韦根及上场联赛对剑桥联，防守有明显改善，可惜进攻力量同时削弱，两场都要「食白果」，似乎仍未搵到攻守平衡点。作客嘅伯顿上季排英甲第16位，实力有限，不过今季开咧一度3连胜，虽然最近3仗未能赢波，但喺领队哈索宾基执教下，球队拚劲仍能维持，上半场气力充沛，往往可以制衡对手，近6场比赛上半场只失过两球，当中5次开出半场和。

　　伯顿签新兵防线升呢

　　伯顿喺转会窗完结前一口气签入4位新兵，包括由李斯特城借用嘅中坚森晓士，球队防守力可望得到提升，今仗面对近期转攻为守嘅保顿，上半场开和机会极高，不妨一试。