美职联：费城联哑火难起革命

周六早上有多场美职赛事上演，其中费城联将会主场迎战新英伦革命；费城联表现持续低迷，近4场联赛只係赢得1场，就算有地利亦不宜高估。相比之下，新英伦革命愈战愈勇，近5场赢咗4仗，士气同状态处于巅峰，正所谓宁捧当头起，莫捧当头跌，更何况新英伦革命今场受让平半，下盘值博。

　　费城联曾经喺5月至6月有一段唔错表现，但之后无以为继，其中近8场联赛只有2胜3和3负，包括上场以1比3不敌华盛顿联队，而且破蛋入波都係靠对手摆乌龙。费城联中前场球员行军速度慢係致命伤，而且后防线亦唔见稳阵，近12场联赛只有两场保持清白之身，可以话係攻不锐、守不稳，今场遇上大勇嘅新英伦革命，恐怕情况唔乐观。

　　革命双箭头托弗

　　作客嘅新英伦革命近年喺美国名帅艾连拿执教之下，水平有明显提昇，今季更加长期保持好表现，值得一赞。佢哋踢咗23场联赛取得15胜4和4负，排东岸榜首，其中近10场赢咗8场，士气高昂，一对前锋古斯达禾保奥、布克沙发挥出色，今季联赛合共轰入22球，相信要撕破费城联防线并唔困难。再睇往绩，双方近3次对赛，新英伦革命取得2胜1和，今场受让平半更加抵玩，推介下盘。