世盃外：丹麦打回原形细炼苏格兰

今晚F组两支有份出战欧国盃决赛周嘅球队对决，由丹麦主场斗苏格兰。丹麦自欧国盃决赛周后进入「后艾历臣时代」，球队重新出发，预料经过一段时间，「艾历臣效应」会逐步减少，相信会踢番最耍家嘅稳守突击；苏格兰入波能力一般，而且两军近7次交手，有6次开2球或以下，推介2.5球入球细。

　　讲起基思甸艾历臣，同大家Update佢嘅状况，呢位中场8月初曾返去国际米兰训练营，精神唔错，不过由于意甲唔批准球员戴心髒起搏器上阵，有传佢可能会转投荷甲阿积士。至于事发时及时拯救艾历臣嘅队医、医疗队伍及队长卡积亚，日前就获欧洲足协颁发「主席奖」，表扬佢哋嘅行为。

　　「艾历臣效应」逐渐消失

　　丹麦今场当然缺少基思甸艾历臣，同样地欧国盃时嘅「艾历臣效应」亦会消失，当时丹麦上下士气激昂，踢法比平时更进取及具侵略性，唔係平时嗰只稳守突击，所以当时入波比较多，经过呢两个月冷静期，丹麦将回复本来务实嘅面目，相信入波唔会多。

　　苏格兰靠欧国联附加赛先入到欧国盃决赛周，实力同欧洲列强有一定距离，虽然今场有利物浦后卫安德鲁罗拔臣压阵，但佢主要喺镇守后防减少甩漏，未必帮到进攻几多，两军近7次对赛6次开2球或以下，入球细再追无妨。