今晚欧国盃8强头场大战，瑞士同西班牙喺俄罗斯圣彼得堡争夺准决赛席位。瑞士16强爆冷淘汰法国后，全队士气大振，事实上佢哋踢法机动兼具侵略性，硬净之馀亦唔怕同强手斗攻，近7场有6次开3球或以上；「狂牛」西班牙愈踢愈上力，近两场合共轰入10球，重现霸气，预料今场入球骚走唔甩，一于捧中位数2.5球大盘。
瑞士及西班牙均于16强同对手大踢开放足球，瑞士喺落后1比3劣势下，法定时间追和法国3比3，更于互射12码阶段淘汰「高卢雄鸡」，自1938年世盃以来，首次于大赛决赛周淘汰赛阶段晋级。西班牙则喺先落后1球下狂攻克罗地亚，一度领先3比1，虽然法定时间被「格仔兵团」追至3比3，但加时一鼓作气下，「狂牛」赢5比3杀入8强。
柏高域激发球员战力
瑞士能够淘汰热门法国，球员打不死精神当然值得敬重，但最重要係球队机动性嘅踢法，瑞士球员唔少由青年军开始合作，默契特别好，虽然阵中球星唔係超大牌，但领队柏高域嘅战术将佢哋战力激发出嚟，故此即使今仗中场格列沙加因累积黄牌停赛，整体实力唔会有太大影响。佢哋近7场有6次开3球或以上，相信球队会继续发挥呢个优点，同西班牙周旋。
艾华路莫拉达及时回勇
「狂牛兵团」决赛周开局一般，连和瑞典及波兰后出线现危机，自然遭受抨击，球队经调整后成功重回正轨，先于分组赛最后一场大炒斯洛伐克5比0晋级，16强喺先落后1球下，加时以5比3淘汰克罗地亚，连续两仗上演入球骚。前锋艾华路莫拉达及时回勇，绝对係西班牙领队安历基喜讯，另外沙拉比亚及费伦托利斯等进攻球员亦有出色表现，只要中前场发挥正常，西班牙争取入球唔係难事。嚟到8强已经冇弱旅，既然主客和难玩，今场转吼2.5球入球大更佳。
发表评论