欧国盃16强今晚爆发宿敌对决，英格兰喺温布莱球场迎战德国。英格兰由2021年初开始改用4后衞阵式，喺欧国盃决赛周进入收成期，3战1球不失，防守力增强进入淘汰赛至为重要，相反德国近6场均有失波，中后场集中力不足，以「三狮兵团」今年8场7胜1和不败威势，有力于法定时间内淘汰德国，让平半捧上盘。
望住个让球盘，德国难得受让，望落当然好笋，但「日耳曼军团」被睇低唔係冇原因。虽然喺死亡F组获得次名出线，但德国最后一场分组赛，被踢法主动嘅匈牙利抢先入波，最终逼和2比2，3战1胜1和1负，仅凭对赛成绩压过葡萄牙抢得次名。
综观今届德国表现，球队对住踢法主动嘅法国及匈牙利都表现处下风，相反面对战术相对保守嘅葡萄牙就能够大胜，英格兰领队修夫基只要针对呢一点部署，不难取得优势。
勒夫无心恋战hea教
「三狮兵团」踢法主动及侵略性强嘅球员大有人在，「车路士孖宝」芝维尔同美臣蒙特虽然啱啱隔离完，今场冇得出，但菲尔科顿及基亚利殊一早证明自己能力，相信今仗斗德国可获正选机会，修夫基亦暗示会起用罚球了得嘅捷比亚，同分组赛首战斗克罗地亚一样，放喺4人防线嘅左边。
英格兰今年初开始转用4人防线，球队表现不俗，2021年英军8场赛事豪取7胜1和，只失过1球，相反德国近6场都有失波，只得2胜2和2和，加上领队勒夫早已辞职无心恋战，「日耳曼军团」人脚质素绝对唔差得过英格兰，但勒夫不论战术运用同激励士气方面，都似係想留个烂摊子畀下一手，所以今场受让都撑唔过，要番英格兰上盘啱数。
发表评论