利物浦当头起速杀西布朗

重燃争入英超前4希望嘅利物浦，周日作客笃定降班嘅西布朗，「红军」战意相当高昂有保证，反观西布朗护级失败后已无心恋战。参考利物浦近5次联赛对西布朗有4次上半场领先，可博半场客胜。

　　利物浦由3月中开始状态有明显改善，包括作客大胜阿仙奴3比0，周中补赛更以4比2大破曼联，依家只係落后第4位车路士4分兼踢少场，入前4踢欧联机会仍然存在。「红军」上场入曼联4球，迪亚高祖达、罗拔图法明奴同穆罕默德沙拿3大射手都入波，以利物浦的强大进攻组合，好大机会喺上半场取得领先优势，尤其穆罕默德沙拿依家同热刺前锋哈利卡尼争逐神射手殊荣，相信呢位埃及国脚会尽力争取入多几球。

　　西布朗提早笃定降班，球员斗心成疑，加上近期表现持续低迷，近4场只有2和2负，当中不敌前列球队李斯特城同阿仙奴，两仗都係喺上半场已经落后，预料今仗亦难以抵挡利物浦强攻，半场客胜有计。