墨城大军围攻阿联

周四澳职上演前列大战，1哥墨尔本城主场迎战阿德莱德联。墨城目前喺联赛榜遥遥领先，向住常规赛冠军迈进，佢哋今季採用嘅主攻踢法相当成功；阿德莱德联连场失分后季后赛资格出现危机，今场亦要搏尽抢分，开3.5球嘅入球大机会高。

　　阿联争入季后赛唔会缩
　　墨尔本城今季一枝独秀，20场联赛攻入48球锋力强劲，前线嘅速度同力量都唔係一般球队能够抵挡，王牌前锋占美麦卡伦今季已入22球，虽然呢位澳洲前锋上仗未有入波，但墨城仍喺纳博特先坐后备席下，凭干拿麦卡菲、史葛加路维等球员入球，以3比2砌低布里斯班狮吼，可见球队入球板斧甚多。墨城近期主场火力惊人，对上4仗主场都攻入至少3球，4场总入球全开4球或以上。

　　阿德莱德联近期频频失分，对上4场联赛都未能赢波，如果唔能够尽快重响胜鼓，季后赛资格可以话岌岌可危。阿德莱德联近6场联赛作客都有入波，可见佢哋有一定数胡能力，今场同墨城斗攻抢分，大盘稳开！