阿仙奴绝地大反击

今晚欧霸4强次回合生死战，阿仙奴返主场再斗「黄色潜艇」维拉利尔。首回合落后1比2嘅阿仙奴，单计实力仍在维拉利尔之上，为收复失地一定狂攻，不过「黄色潜艇」擅长打反击，而且「欧霸专家」艾美利对旧东家了如指掌，挟欧霸8连捷之势冇有怕，2.5球入球大乃不二之选。

　　阿仙奴首回合输1比2，仲有中场丹尼施巴路斯要坐波监，今场形势使然焗住抢攻。好彩多位攻击好手已可随时候命，病愈嘅队长奥巴美扬啱啱喺联赛正选上阵轰入靓波，重拾信心，配合尼高拉斯比比、布卡约沙卡及马田奥迪加特等前线勐将，进攻火力唔使怀疑。

　　睇番阿仙奴今届出战欧霸火力可靠，13场赛事合共轰入33粒，但当中只有3场冇失波，13场当中有10次总入球开3球或以上，明显重攻轻守。而且佢哋经常喺形势唔错下，后防忽然「自爆」输大意波，搞到陷于苦战，呢点令主帅阿迪达非常头痛，加上想晋级决赛一定要争取到入波，必定豁出去狂攻。

　　「黄潜」信心爆棚唔会缩
　　「黄色潜艇」喺「欧霸专家」艾美利领军下，近8仗欧霸盃全胜，单计作客亦4连捷，信心爆棚。虽有中场伊天卡普尔要停赛，但仍有悍将高基连倒戈，而且两大前锋谢拉特摩兰奴同柏高艾卡沙，喺今届欧霸已各入6粒，仲有卓禾斯等高速球员，面对空群而出嘅阿仙奴，实有大把空间打反击。艾美利深明领先一粒唔稳阵，今仗未必会太过被动死守，必趁机拮多几粒，预计会合演入球骚，大盘不容错过。