赛程频密吼准发维
今晚英超尾场，阿士东维拉主场迎战曼城。「蓝月亮」曼城赛事频密，英足盃4强被淘汰出局后，今晚联赛匆匆上阵，嚟紧周日又要应付英联盃决赛，佢哋近5场联赛作客4次半场打和，但最终都赢晒，绝对可以睇定嚟食，今场面对实力平庸嘅维拉，又可以照办煮碗歎慢板，捧半场和。
曼城面对连场大战，虽然球队伤停问题唔算严重，但主帅哥迪奥拿亦需要畀主力球员抖一抖；日前喺英足盃4强对车路士已经有多个位置进行轮换，最终输波出局难免影响士气，然而一众主力获得休息机会，对冲击馀下嘅「3冠王」目标，仍然有正面帮助。
虽然曼城王牌奇云迪布尼足踝受伤要休息1个月，但「储满血」嘅菲尔科顿、马列斯及根度简等都会喺今场联赛回归正选，球队整体实力回升，由于周日仲有场对热刺嘅英联盃决赛，相信佢哋都会避重就轻。事实上，「蓝月亮」实力凌驾于阿士东维拉之上，睇番佢哋近5场联赛作客全胜，当中4次半场同对手打和，绝对係睇定嚟食。
维拉抖够半场顶得住
阿士东维拉现时排第11位，冇乜降班压力，数字上仍可一争来届欧洲赛席位，不过维拉自从英格兰中场基亚利殊受伤后，成绩时好时坏，今场唯一比曼城优胜之处，就係佢哋4月10日踢完作客对利物浦后，有11日时间休息，可以养尊处优应付曼城，预计可以顶得住半场，半场和有2.4倍谂得过。
发表评论