至于另一场日职赛事，鸟栖砂岩主场迎战大坂飞脚。砂岩今季一改任人鱼肉嘅弱势，防守极为稳健，係佢哋位居前列嘅关键因素，飞脚已经连续4仗食白果，攻击力坚曳到冇朋友，今场捧2.5球嘅细盘最稳阵。（周三晚6时开赛）
近年都係护级为主嘅鸟栖砂岩，今季突然大翻身，开咧取得5胜2和2负，暂列第4位，令人喜出望外。虽然砂岩9战联赛入13粒唔算好突出，但佢哋只失2球，有7仗保持清白之身，係联赛失波第2少球队，其中5次主场出击未失过波，就算造访火力全开嘅川崎前锋，都係仅输0比1，防守有显着进步，係佢哋跃升前列嘅主因。
近4场联赛交白卷
上季亚军飞脚受到疫情影响，整个3月都要休战，至今只打咗4场联赛，竟然只得2和2负未赢过，更恐怖嘅係飞脚坐拥宇佐美贵史、安达臣柏历等射手下，4场联赛都交白卷，全开2球或以下，锋线熄晒火，似乎主帅宫本恒靖暂时都未谂到计仔，惟有先做好防守。虽然砂岩位居前列，但连盃赛在内，近5仗仅得1胜1和3负，状态略见回落，今仗定必稳中求胜，2.5球嘅入球细热得有道理。
发表评论