基亚利殊复出维拉大起富咸

今日另外两场，先讲阿士东维拉对富咸，维拉有星级中场基亚利殊复出，实力大增，加上奥尼屈坚斯喺国际赛首次为英格兰上阵就入波，信心大增，富咸要护级抢分亦冇得缩，塞尔维亚前锋阿历山大米祖域同样喺国际赛翻生，3仗入5球，今场好有机会上演入球骚，推介2.5球入球大。

　　基亚利殊对维拉有几重要，用数字就说明一切，国际赛前喺佢缺阵嘅6场赛事，维拉入得3球咁大把，球队只得1胜2和3负，呢名中场今仗复出，前线供应肯定大增，配合国际赛处子登场就为「三狮兵团」入波嘅奥尼屈坚斯，维拉主场可以踢番出应有水准。

　　富咸喺护级路上愈战愈勇，近8场联赛作客获2胜6和，由于馀下8轮比赛，佢哋仲有3场要对Big6，抢分机会极微，今场都要尽地一煲博一博，好彩阿历山大米祖域翻生，领队柏加喺攻击线上可以有多种选择，睇好今场多波入，入球大抵玩。

　　至于周日英超早场，修咸顿主场迎战般尼，「圣人」季初曾经有不俗演出，但踏入2021年之后，水准急转直下，近12场联赛只得1胜1和10负，近2场英超更加合共失了7球，球员士气及信心已经跌落低谷，恐怕短期之内难以翻身。

　　般尼作客唔怕修咸顿

　　虽然般尼胜出率不高，但要赢佢哋又并非易事，般尼早前对2支劲旅李斯特城同阿仙奴都打成平手，甚至曾经作客击败利物浦。门将尼克普比已经成为英格兰正选门将，佢早前为英军出战3场世盃外围赛仅失1球，表现备受认可，以修咸顿近期颓势，更加难以攻破尼克普比10指关，般尼今场可坐和望赢，受让抵玩。