萨尔斯堡遇恶仁半大有计

今晚欧联A组赛事，衞冕嘅拜仁慕尼黑主场斗萨尔斯堡。拜仁喺欧联跨季14连胜，今仗只要赢波就率先打入16强，以佢哋嘅战力要延续连胜纪录唔难，不过拜仁主Ｗ冇肉食，加上萨尔斯堡近4仗欧联半场全开2球或以上，不如转玩1.5球嘅半场大。

拜仁上季欧联连赢11场封王，今季小组赛又3连胜，喺欧联已经连赢到14场。佢哋上轮作客萨尔斯堡展现王者本色，以6比2大炒对手，罗拔利云度夫斯基该仗顺利起孖，今晚返到安联，呢位波兰神锋又大把数胡机会。今届欧联赛程紧密，嚟紧连续3个周中都有比赛，拜仁为免夜长梦多，自然想尽早出线，将专注力集中喺德甲上面，今场必定速战速决。

奥地利代表萨尔斯堡实力平平，头3轮仅得1分，不过佢哋早前作客马体会，曾一度反超前对手，踢到尾段先被绝杀输2比3，反映有一定攻力。况且佢哋亦係抢攻型球队，近4场欧联半场全开2球或以上，包括上轮主场对拜仁，半场就出现3个入球，今场1.5球半场大值追。